விளையாட்டு

ஐ.பி.எல். கிரிக்கெட் போட்டிகளில் சூதாட்ட சர்ச்சையில் சிக்கி இரண்டு வருட தடைக்கு உள்ளான முன்னாள் சம்பியன்களான சென்னை சூப்பர் கிங்ஸ், ராஜஸ்தான் ரோயல்ஸ் ஆகிய அணிகள் மீதான தடை நேற்று வெள்ளிக்கிழமை நீங்கியது. 

சென்னை சூப்பர் கிங்ஸ் மற்றும் ராஜஸ்தான் ரோயல்ஸ் அணிகள் மீது 2013ஆம் ஆண்டு சூதாட்ட சர்ச்சை வெடித்தது. சென்னை சூப்பர் கிங்ஸ் அணியின் நிர்வாகி குருநாத் மெய்யப்பன், ராஜஸ்தான் ரோயல்ஸ் அணியின் நிர்வாகி ராஜ்குந்த்ரா ஆகியோர் அணியின் தகவல்களை தரகர்களுடன் பரிமாறி சூதாட்டத்தில் ஈடுபட்டது ஆதாரங்களுடன் அம்பலமானது.

இதையடுத்து விசாரணை மேற்கொண்ட சுப்ரீம் கோர்ட்டால் நியமிக்கப்பட்ட லோதா கமிட்டி சென்னை சூப்பர் கிங்ஸ், ராஜஸ்தான் ரோயல்ஸ் அணிகளுக்கு 2015ஆம் ஆண்டு ஜூலை 14ஆம் திகதி முதல் இரண்டு ஆண்டுகள் தடை விதித்து தீர்ப்பளித்தது. அத்துடன் குருநாத் மெய்யப்பன், ராஜ்குந்த்ரா ஆகியோர் கிரிக்கெட் தொடர்பான நடவடிக்கைகளில் பங்கேற்க வாழ்நாள் தடை விதிக்கப்பட்டது.

இதன்படி 2016 மற்றும் 2017ஆம் ஆண்டு ஐ.பி.எல் போட்டிகளில் சென்னை, ராஜஸ்தான் அணிகள் இடம் பெறவில்லை. இவ்விரு அணிகளில் இடம் பெற்ற வீரர்கள் புதியதாக உதயமான குஜராத் லயன்ஸ், புனே சூப்பர் ஜெயன்ட் அணிகளுக்கு ஏலம் மூலம் ஒதுக்கப்பட்டனர்.

இந்த நிலையில் சென்னை சூப்பர் கிங்ஸ், ராஜஸ்தான் ரோயல்ஸ் அணிகள் மீதான 2 ஆண்டு தடை நேற்றுடன் முடிவுக்கு வந்தது. சென்னை சூப்பர் கிங்ஸ் நிர்வாகம் தனது டுவிட்டர் பக்கத்தில் ‘வந்துட்டோம்னு சொல்லு...திரும்ப வந்துட்டோம்னு சொல்லு...விசில் போடு’ என்று தங்களது மறுபிரவேசத்தை மகிழ்ச்சியுடன் பதிவிட்டுள்ளது.

8 ஆண்டுகள் சென்னை சூப்பர் கிங்ஸ் அணியின் மாறாத தலைவராக திகழ்ந்த டோனி, கடந்த இரு சீசனில் வேறு வழியின்றி புனே அணிக்காக விளையாட வேண்டிய நிலைமைக்கு தள்ளப்பட்டார். அவர் சென்னை சூப்பர் கிங்ஸ் அணிக்காக மீண்டும் கால்பதிக்க ஆர்வமாக இருப்பதை ஏற்கனவே சொல்லியுள்ளார்.

மின்னஞ்சலில் பதிவுகள் பெறுவதற்கு :

இவற்றையும் பார்வையிடுங்கள்

பாக்யராஜ் இயக்கத்தில் சாந்தனு கதாநாயகனாக அறிமுகமான 'சித்து +2' படத்தின் கதாநாயகியாக அறிமுகமானார் தமிழ்ப் பெண்ணான சாந்தினி தமிழரன். 'வில் அம்பு' படத்தில் தள்ளூவண்டியில் ரோட்டர இட்லிக்கடை நடத்தும் பெண்ணாக நடித்து சிறந்த நடிகை எனப் பெயர்பெற்றார்.

கடந்த இரு வாரங்களுக்கு முன் முடிவுக்கு வந்த லொகார்னோ சர்வதேச திரைப்பட விழாவில், இம்முறை கொரோனா காரணமாக, இணைய வழி திரைக்காட்சிகளே அதிகம் இடம்பெற்றிருந்தன.

சாதிய வன்மத்தின் முகம் தமிழகத்தில் புரையோடிக் கிடக்கிறது என்பதற்கு அரக்கோனத்தை அடுத்த சோகனூர் கிராமம் உதாரணமாகியிருக்கிறது. நடந்து முடிந்த தமிழகச் சட்டமன்றத் தேர்தலுக்குப் பின்னரான சாதிய வன்முறையில் இரண்டு தலித் இளைஞர்கள் அங்கே அடித்து கொலை செய்யப்பட்டிருக்கிறார்கள்.

படலையைத் திறந்தபடி அவர்கள் வந்தார்கள்…..
முற்றத்தில் கிடந்த வைரவன் மெல்ல தலைதூக்கிப் பார்த்தபின் மெல்ல எழுந்து வேலனுக்குப் பக்கமாகச் சென்றது.

கடந்த தொடரில் Starshot விண்வெளிப் பயண செயற்திட்டம் தொடர்பான விரிவான தகவல்களைப் பார்த்தோம். அதன் தொடர்ச்சி இனி..

முந்தைய தொடருக்கான இணைப்பு -

நாம் தனிமையில் இல்லை..! : பாகம் -10 (We are Not Alone - Part 10)

யுவன் சங்கர் ராஜாவும் இசைப்புயல் ரஹ்மானின் வாரிசு ஏ.ஆர். அமீனும் இணைந்து இறைத்தூதர் முகம்மது நபிகளை (Pbuh) புகழும் ஒரு புதிய தனித்துவ பாடலை பாடியுள்ளனர்.

பிக்பாஸ் புகழ் கவினின் புதிய திரைப்படத்தின் பாடல்கள் வெளியாகி யூடியூப்பில் பிரபலமாகிவருகிறது.